Erfitt hjá Katrínu

Katrín Jakobsdóttir forsætisráðherra glímir við mikla erfiðleika þessa dagana. Kjósendur eru á harðahlaupum í burtu og flokkur hennar í frjálsu falli. Engum getur dulist að ástæðan er baneitrað samband flokksins við Sjálfstæðisflokkinn og sú undanlátssemi sem þykir einkenna VG í ríkisstjórnarsamstarfinu. Salan á bréfunum í Íslandsbanka og afhelgun Héraðsvatna með hliðsjón af hugsanlegri virkjun eru á meðal mála sem hugsjónamenn innan VG eiga erfitt með að umbera og kyngja. Bjarkey Olsen Gunnarsdóttir, alþingismaður VG, staðfesti þessar áhyggjur af fallinu í fjölmiðlum á dögunum. Gallup mældi fylgi flokksins upp á 7,2 prósent sem þýðir að flokkurinn er í útrýmingarhættu. Á sama tíma heldur Framsókn fluginu og Samfylkingin er á uppleið með væntingar kjósenda um nýjan  leiðtoga í farteskinu. Fallið er sérstaklega sársaukafullt vegna þeirrar virðingar Sem Katrín nýtur almennt sem forsætisrtáðherra. Úr grasrót VG heyrist krafa um að hún reyni að losa sig við Sjálfstæðisflokkinn úr stjórninni eða fari í stjórnarandstöðu líkt og Líf Magneudóttir ákvað að gera í Reykjavík eftir fylgishrun flokksins …