Eva Norn skammar Eddu

Allt leikur á reiðiskjálfi í samfélaginu eftir að hlaðvarpinn Edda Falak upplýsti að valdamaður sem hefði Covid gjarnan á takteinum hefði keypt vændi. Dylgjað var um að þarna væri um að ræða sjálfan Kára Stefánsson sem sagði af sér úr stjórn SÁÁ þegar „skítastormurinn“ reis sem hæst. Talsmaður hans, Þóra Kristín Ásgeirsdóttir hvarf frá formannsframboði af sama tilefni. Kári hefur þvertekið fyrir að hafa nokkru sinni keypt vændi. Margir hafa risið honum til varnar. Þeirra á meðal er lögmaðurinn Eva Hauksdóttir, stundum nefnd Eva Norn. Eva lætur Eddu hafa það óþvegið fyrir að auglýsa eftir kjaftasögum. „Fyrst staðfestir hún að auglýsingin beinist ekki gegn Kára Stefánssyni en segir næsta dag að sú yfirlýsing sé marklaus. Í framhaldinu sýnir hún svo fulllkomið skilningsleysi á aðstöðu saklausra sem grunur beinist að …“, skrifar Eva í aðsendri grein. Víst er að þessu máli er síður en svo lokið og Kári á eftir að berja frá sér áður en yfir lýkur …