Stórsöngkonan Hera Björk Þórhallsdóttir er hvergi bangin og stefnir hiklaust í aðalkeppni Euorvision þrátt fyrir að þá ólgu sem er í báðum fylkingum vegna keppninnar. Það er sama hvort litið er til þeirra sem fylgja Ísraelsmönnum eða þeirra sem vilja standa með Palestínumönnum. Flestir þurfa að taka afstöðu og skilgreina flytjendur með annari hvorri þjóðinni.
Sjálf lætur Hera Björk sér fátt um finnast og mun mæta með lag sitt, Scared of Heights, í keppnina í Malmö þrátt fyirir ólguna og allan djöfulganginn sem hefur dunið á henni. Atgangurinn hefur verið slíkur að Bubbi Morthens fann sig knúinn til að skipa fólki að láta hana í friði. Bubbi er að öllu jöfnu þekktur fyrir að vera óvæginn á samfélagsmiðlum en honum er meira að segja nóg boðið.
Helsti bakhjarl Heru er Valgeir Magnússon, Valli sport, sem benti í blaðagrein á þau augljósu sannindi í blaðgrein að Íslendingar ættu að vera stoltir af sinni konu og standa með henni í stað þess að haga sér eins og fábjánar …