Felix Bergsson fjölmiðlamaður og Kristján Hreinsson Skerjafjarðarskáld fengu boð um að mætast í Bítinu á Bylgjunni í morgun til að ræða pistil Kristjáns um vitlaust fólk í réttum líkama sem setti allt í bál og brand og andsvar Felix sem skilgreindi skáldið á meðal dreggja samfélagsins á borð við Davíð Oddsson og Pál Vilhjálmsson.
Felix bar fyrir sig að geta ekki mætt vegna þess að hann er í Berlín þaðan sem hann hefur þó sent út heilu útvarpsþættina á Rás 2. Kristján sagðist geta mætt en hann býr í Mílanó. Skáldið var tilbúið með vísu sem Felix átti að fá að meðtaka:
Orka mín á ýmsan hátt,
eykst í byrjun dagsins,
er Felix Bergsson dansar dátt
með dreggjum samfélagsins.
Þegar ljóst var að Felix taldi sig ekki geta talað við Kristján símleiðis frá Berlín afþakkaði skáldið fordæmda að mæta í þáttinn og vildi ekki láta mistúlkun á orðum sínum ráða för. Hann hefur bent á að ummæli hans snúist nákvæmlega ekkert um transfólk og hann hafi orðið fyrir hatursáróðri á fullkomlega röngum forsendum. Hann taldi að útvarpsfólkið gæti allt eins látið pípara eða skósmið mæta sér. Ljóst þykir að Felix hafi ekki þorað að mæta skáldinu eftir gífuryrðin.,
Svo er að sjá sem Lúkasarmálið hafi eignast hliðstæðu …