Fleiri typpamyndir Þóris

Þórir Sæmundsson leikari fer ekki vel út úr viðtalinu við Kveik þar sem harmasaga hans var rakin. Þórir hefur gengið svipugöngin undanfarin fjögur ár eftir að hann varð uppvís að því að senda 15 ára stúlkum typpamyndir af sér. Hann nefndi í furðulegu og einhliða viðtali við Þóru Arnórsdóttur, ritstjóra Kveiks, að þetta væri ástæða þess að hann var rekinn frá Þjóðleikhúsinu þar sem hann var einn af gæðingum stofnunarinnar. Hann lýsti því óljóst að hann hefði einnig farið yfir mörk kvenna í Borgarleikhúsinu. Viðtalið varð til þess að fleiri sögur um framferði hans gagnvart ungum stúlkum hafa komið fram í dagsljósið. Meðal annars lýsti Jófríður Skaftadóttir því í samtali við Stundina að hann hefði sofið hjá henni þegar hún var 16 ára. Þá upplýsti Mannlíf að tvær ungar stúlkur til viðbótar höfðu lýst  ágengni leikarans og kynferðislegum samskiptum. Þar kemur fram að hann hafi sent fleirum typpamyndir af sér. Þær raddir heyrast að eðlilegt sé að lögreglan skoði þessi mál og leikarinn fá niðurstöðu í það hvort hann hafi brotið lög eða ekki …