Floppmaður og toppmaður

Hart er sótt að Bjarna Benediktssyni fjármálaráðherra vegna sóttvarnabrotsins í Ásmundarsal á Þorláksmessu. Fáir hafa orðið til þess að verja hann ef undan eru skyldir laumupúkar á samfélagsmiðlum sem nota slagorðið Toppmaður um Bjarna. Píratinn Björn Leví Gunnarsson fer mikinn í grein í Morgunblaðinu í dag þar sem hann gefur lítið fyrir ráðherrann og feril hans og telur að fremur eigi að tala um flopp en topp þótt hann kunni að vera farsæll sem fjölskyldumaður og einstaklingur. „Já. Fjármálaráðherra er kannski toppmaður. En það verður seint hægt að sýna fram á þá eiginleika á stjórnmálaferli hans, allt frá sögunni um sjóð 9 til skattaskjólsskýrslna og til sóttvarnabrota. Niðurstaðan hlýtur að segja okkur að þar sé á ferð floppstjórnmálamaður,“ skrifar Björn í aðsendri grein í Mogga í dag. Bjarni virðist enn sanna að hann er ódrepandi og virðist standa af sér afglöpin með hjálp þingmann Vinstri-grænna og Framsóknarflokksins sem allir meta sóttvarnabrot léttvæg …