- Auglýsing -
Upplausnarástand ríkir innan Eflingar eftir að Sólveig Anna Jónsdóttir, sagði af sér sem frmaður, skellti hurðum og hvarf á braut. Í gær var ákveðið á stjórnarfundi að Agnieszka Ewa Ziólkowska varaformaður tæki við keflinu. Eftir stjórnarfundinn tók nýi formaðurinn á sprett ásamt stjórninni og lagði á flótta undan fjölmiðlum. Viðbrögðin sæta furðu og þykja sýna að félagið er í lamasessi eftir brotthvarf Sólveigar Önnu sem hefur lýst því að starfsfólk skrifstofunnar hafi ofsótt sig og jafnvel hótað að koma heim til sín án þess að hún fengi rönd við reist. Sólveig Anna þykir hafa verið skelegg í baráttunni við auðvaldið og er mörgum létt þegar hún er fallin í valinn og ringulreiðin tekin við í félaginu …