Séra Gunnar Sigurjónsson, prestur úr Digraneskirkju, hefur beðið þess „á veggnum“ í níu mánuði að fá inngöngu í Eddu, stúku Frímúrara. Mikil ólga og andstaða er á meðal frímúrara vegna umsóknarinnar sem er í skugga þess að séra Gunnari var vikið úr starfi sóknarprests í kjölfar þess að sex konur sökuðu hann um kynferðislega áreytni. Þarna þykir mörgum sem farið sé yfir eðlileg mörk en konur félagsmanna skipa stóran sess innan reglunnar. Áréttað skal að Gunnar hefur ekki verið fundinn sekur að lögum vegna ásakannna.
Meðmælandi Gunnars til þess að gerast frímúrari innan Eddu er Eiríkur Hreinn Helgason, fyrrverandi lögreglumaður og meistari stúkunnar Eddu. Til stóð að greiða atkvæði um aðild séra Gunnars í septembermánuði en horfið var frá því, væntanlega í ljósi andstöðu annarra félaga sem telja ekki við hæfi að hann gangi í raðir frímúrara sem ætlast er til að séu vammlausir. Atkvæðagreiðslan fór ekki fram og er nafn hans enn á veggnum. Það þýðir i raun að umsóknin er ennþá virk. Leiðtogar stúkunnar eru í miklum vanda vegna séra Gunnars …