- Auglýsing -
Einn umdeildasti lögfræðingur landsins er Ómar Valdimarsson. Hann þykir fara ótroðnar slóðir í lögmennsku sinni og hefur hlotið áminningu úrskurðarnefndar lögmanna fyrir að ofrukka skjólstæðing. Þá hefur Margrét Friðriksdóttir, ritstjóri Fréttin.is, sakað hann um skattsvik með því að taka við svörtum greiðslum.
En þótt Ómar sé eflaust meðvitaður um orðspor sitt, þá þráir hann viðurkenningu. Það varð uppi fótur og fit á dögunum þegar hann reyndi að komast inn í Frímúrararegluna. Mælt var með honum í stúkuna Mími, en bræðurnir voru snöggir að bregðast við og honum var snarlega vísað frá. Hermt er að meðmælendur hans hafi þá reynt að lauma honum inn í aðra stúku en sem fyrr stóðu frímúrarar fastir fyrir og honum var hafnað …