Furðuleg staða Eggerts

Spenna er ríkjandi fyrir væntanlegan hluthafafund í Festi þar sem stjórn félagsins verður kölluð til ábyrgðar og krafin skýringa á brottrekstri Eggerts Þórs Kristóferssonar forstjóra. Eggert hefur rekið félagið með frábærum árangri svo skýringin getur ekki legið þar. Aftur á móti eru afskipti hans af máli Vítalíu Lazereva og ásakanir hennar á hendur Þórði Má Jóhannessyni og Hreggviði Jónssyni, hluthöfum í Festi, talin hafa orðið til þess að trúnaðarbrestur varð. Þórður Már hrökklaðist úr stöðu stjórnarformanns vegna málsins en Vítalía ber hann þungum sökum um frelsissviptingu og kynferðisbrot í sumarbústað hans í Skorradal. Hún hefur þakkað Eggerti Þór fyrir skilning á máli sínu eftir samtöl þeirra. Fréttablaðið segir frá því í dag að þótt hallarbylting verði í Festi sé öldungis óvíst að hann vilji halda starfinu. Það gerir stöðu Eggerts í málinu furðulega og fæstir botna í því hvað liggur þar að baki …