Baráttujaxlinn Guðmundur Smári Guðmundsson, forstjóri útgerðarfyrirtækisins Guðmundar Runólfssonar ehf. á Grundarfirði er afar ósátttur við kortlagningu Svandísar Svavarsdóttur sjávarútvegsráðherra á eignatengslum í sjávarútvegi. Guðmundur Smári stýrir veldi sem faðir hans, Guðmundur Runólfsson, kom upp á sínum tíma og þykir hafa verið einkar farsæll í rekstri. Samkeppniseftirlitið annast könnunina. Guðmundur hefur nú klagað til viðskiptaráðherra og Umboðsmanns Alþingis. Ekki er vitað til þessa að Guðmundur Smári, sem er annálaður heiðursmaður og gæðablóð, eigi leyndarmál eða vafasama snúninga í viðskiptalífinu sem ekki þoli dagsins ljós.
Kenningin er aftur á móti sú að hann hafi ekkert að fela en sé að berjast fyrir hönd annara og stærri hákarla í sjávarútvegi og í samvinnu við Morgunblaðið og Guðbjörgu Matthíasdóttir, kvótadrottninguna umdeildu sem teygir anga sína um allt viðskiptalífið. Mogginn, sem er í eiugu Guðbjargar, hefur mjög hampað málflutningi Guðmundar Smára …