Grátur Simma Vill

Markaðsmaðurinn Sigmar Vilhjálmsson sýndi miklar tilfinningar þegar hann grét á samfélagsmiðlum vegna Sölva Tryggvasonar og meðferðar á honum. Í fyrstu uppskar hann gríðarlega ánægju áhorfenda. Seinna svaraði hann gagnrýni og útskýrði meðvirkni sína sem afstöðuleysi í málinu. Tárunum réði sorg vegna heildar málsins en ekki neikvæð afstaða til meintra fórnarlamba. Talið hefur verið að Sigmar ætlaði í framboð og þá jafnvel fyrir Framsóknarflokkinn. Hann var í viðtali við Arnþrúði Karlsdóttur á Útvarpi Sögu fyrir helgi þar sem samhljóma skoðanir þeirra runnu fram sem elfur á hlýjum vordegi. Þar var ekkert minnst á Sölvamálið en Simmi boðaði stofnun samtaka smærri fyrirtækja. Hann lýsti jafnframt yfir að hann myndi ekki kjósa Sjálfstæðisflokkinn. Nú bíða menn þess hvaða skref Sigmar stigi og hvort pólitíkin njóti góðs af kröftum hans í náinni framtíð …