þessa dagana gustar um Guðbjörgu Matthíasdóttur, auðkonu frá Vestmannaeyjum, sem hefur tögl og hagldir í íslensku viðskiptalífi. Guðbjörg vann það afrek á árinu að ná undir einu stærsta sjávarútvegsfyrirtæki á Norðurlandi, Ramma hf. á Siglufirði. Þetta styrkti enn frekar móðurfélagið, Ísfélag Vestmannaeyja, sem nú er komið á markað.
Guðbjörg færði eignir sínar á árinu að mestu leyti yfir á syni sína fjóra. Heimildin greinir frá því að 15 milljarðar króna hafi fallið hverjum og einum þeirra í skaut. Jafnframt þessu splundraðist fjölskyldan, ef marka má sömu heimildir. Sigurður Sigurðsson, sonur Guðbjargar, varð ósáttur og er í litlu sambandi við fjölskylduna með sinn eignarhlut sem er metinn á 15 milljarða króna.
Guðbjörg er einna umdeildust fyrir þátt sinn í því að halda úti Morgunblaðinu og hýsa þannig hinn aldna Davíð Oddsson sem ritstjóra. Stjórnendur Árvakurs, útgáfu Morgunblaðsins, eru til skoðunar hjá Samkeppnisyfirvöldum vegna meintra brota en þeir notuðu meðal annars háar fjárhæðir til að kaupa prenstsmiðju hins fallna Fréttablaðs til þess að eyðileggja prentvélinu og tryggja sér einokun á markaði með tilheyrandi ofbeldi.
Guðbjörg, nefnd hin ríka, er sjálf þekkt fyrir nægjusemi í sama anda og Sigurður heitinn Einarsson, eiginmaður hennar ástundaði. Bruðlið í kringum Morgunblaðið er af allt öðrum toga og óskiljanlegt í þessu ljósi. Það er einna helst rakið til þess að hún vilji hafa áhrif á gang mála og Davíð og Mogginn henti vel í þeim efnum …