Það útspil Guðna Th. Jóhannessonar, forseta Íslands, að bjóða Davíð Oddssyni ritstjóra og helstu silkihúfum hans til Bessastaða vakti athygli. Boð forsetans var vegna þess að Mogginn fagnar nú 110 ára afmæli.
Þjóðhöfðingjanum þótti við hæfi að fagna fyrir hönd almennings með því að gefa þessum anga feðraveldisins að borða. Þetta útspil Guðna forseta þykir undarlegt. Hann er gjarnan talinn vera sá forseti sem sameinar þjóðina og sinnir sem flestum, háum sem lágum. Daður hans við Davíð og meiðreiðarsveina hans þykir vera stílbrot. Þá veittu margir því eftirtekt að engin kona var í kökuklúbbi forsetans og Morgunblaðsins. Auðkonan og ekkjan, Guðbjörg Matthíasdóttir, hefur dælt peningum í Morgunblaðið og verið ómaganum sannur vinur í raun. Hún situr í stjórn Árvakurs en var ekki með í hópnum og virðist ekki hafa verið boðin.
Miklar vangaveltur eru uppi um það að Guðni ætli hugsanlega að bjóða sig fram sem forseti, þriðja kjörtímabilið. Ef svo er má reikna með því að hann vilji tryggja sér stuðning Davíðs og hans manna sem fram að þessu hafa grafið undan honum og sakað hann um að vera lélegur fræðimaður. Þá heitir þetta að kyssa vöndinn …