Guðni Th. Jóhannesson, forseti Íslands, nýtur fádæma vinsælda í embætti. Hann er undir miklum þrýstingi þessa dagana. Langstærstur hluti þjóðarinnar, eða 81 prósent samkvæmt nýjustu könnun, er ánægður með störf forsetans og vilja hafa hann áfram í embætti.
Guðni hefur sjálfur ekki gefið annað til kynna en að hann sé á förum eins og uppleggið var í áramótaávarpi hans. Ákvörðun hans vakti nokkra furðu enda hafði verið búist við að hann tæki slaginn um þriðja kjörtímabilið.
Fordæmi er til að að sitjandi forseta hafi snúist hugur eftir að hafa ákveðið að hætta. Ólafur Ragnar Grímsson hafði tilkynnt að hann hugðist hætta en hætti svo við þegar hann las þannig í frambjóðendur að enginn þeirra væri til þess fallinn að sitja á Bessastöðum. Hann hætti svo aftur við framboðið þegar Guðni Th. steig fram með framboð sitt. Framboðsgluggi Guðna er enn þá opinn og hann getur notað svipuð rök fyrir endurskoðun sinni og Ólafur Ragnar á sínum tíma …