Áhrifavaldurinn og einkaþjálfarinn Guðmundur Emil Jóhannsson, hefur vakið athygli fyrir einlægni sína. Gummi Emil hefur átt í útistöðum við kerfið eftir að hafa verið sviptur ökuréttindum og í framhaldinu ekið án réttinda. Lögreglan á Suðurnesjum hefur ítrekað staðið hann að verki fyrir að hafa ekið bifreið próflaus. Á dögunum var áhrifavaldurinn gripinn í þriðja sinn og uppskar í framhaldinu fangelsisdóm.
Gupmundur ræddi mál sitt af einlægni við vefmiðilinn Vísi og segist feta í hjólför tónlistarmannsins Bubba Morthens sem hjóli út um allt.
„Ég elska að hjóla,“ segir Guðmundur og viðurkennir þá sök sína að hafa ekið „próflaus en bláedrú“ , af því að hann þurfti nauðsynlega að komast milli staða í Reykjanesbæ. Hann er þekktur fyrir ýmis uppátæki svo sem að fara upp Esjuna í snjóstormi á stuttbuxum.
„Þetta er mér að kenna og ég hefði átt að gera betur,“ segir Guðmundur og gengst að fullu við sök sinni …