Morgunblaðið gengur í dag lengra en oftast áður þegar blaðið líkir Gunnari Smára Egilssyni, foringja Sósialistaflokksins, og Sólveigu Önnu Jónsdóttur, formanni Eflingar, við þann kaldrifjaða Jósep Stalín sem sagan skilgreinir gjarnan sem fjöldamorðingja.
Tilefni umfjöllunar Davíð Oddssonar og félaga er að Ríkisútvarpið notaði hugtakið öfgavinstrimaður í hádegisfréttum þegar Ólöf Ragnarsdóttir fréttamaður fjallaði um að tiltekið verklag benti til þess að þar hefðu „öfgavinstrimenn“ verið að verki.
Í Staksteinum Moggans er fjargviðrast yfir því að fjölmiðlar hafi iðulega greint fyrirbærið öfgahægrimenn um þá sem eru yst á þeim væng stjórnmálanna. Ætla mætti að engir vinstriöfgamenn væru til í heiminum, sama hversu langt þeir gangi í ofstopanum.
„Hvorki Stalín né Sólveig Anna Jónsdóttir, Pol Pot né Pale-Stína, Maduro né Gunnar Smári Egilsson“ segir í pistlinum.
Greinilegt er að fótgönguliðar Guðbjargar Matthíasdóttur, auðkonu og aðaleiganda Moggans, óttast að Sósialistar hafi fengið þá vængi sem muni bera þá inn á Alþingi nú þegar hægriöflin hafa með kæfandi kærleika sínum gert út af við Vinstri græna …