Halla Hrund Logadóttir orkumálastjóri mælist vera efst í könnun Prósents á fylgi við forsetaframbjóðendur. Halla hefur verið í skotlínu Morgunblaðsins sem hefur týnt til ýmsar ávirðingar á hana. Meðal annars er hún gagnrýnd fyrir að hafa ekki upplýst að hún bjó um tíma í einbýlishúsi sem unglingur í foreldrahúsum en ekki aðeins í fjölbýlishúsi.
Halla mælist nú með tæplega 30 prósenta fylgi. Katrín Jakobsdóttir, fyrrverandi forsætisráðherra, er næst í röðinni með 21,3 prósent. Baldur Þórhallsson prófessor er samsíða Katrínu með 20,4 prósent. Jón Gnarr, skemmtikraftur og fyrrverandi borgarstjóri, mælist vera með 14,7 prósent.
Árangur Höllu Hrundar er merkilegur í ljósi linnulausrar herferðar Morgunblaðsins á hendur henni. Baldur hefur einnig fengið að finna fyrir Skrímsladeildinni sem haldið hefur á lofti kynhneigð hans og meintum heimsóknum á skemmtistaði erlendis.
Könnunin er gerð áður en fyrsti þáttur kappræðna forsetaframbjóðendanna var á RÚV um helgina. Frammistaða þar kann að hafa áhrif á fylgi þeirra. Þá er könnunin gerð áður en Steinunn Ólína Þorsteinsdóttir frambjóðandi vakti rækilega athygli á ómennsku blaðamanna Skrímsaldeildarinnar sem miskunnarlaust herja á aðra frambjóðendur en Katrínu Jakobsdóttur sem nýtur baneitraðarar náðar ráðamanna Sjálfstæðisflokksins og þarf enga óvini á meðan staðan er þannig …