Ein ag áhugaverðari skipun í stjórn átti sér stað á dögunum þegar aðalfundur Justikal var haldinn. Í þriggja manna stjórn var Hanna Birna Kristjánsdóttir, fyrrverandi dómsmálaráðherra, skipuð. Eins og margir muna hraktist hún úr embætti í framhyaldi þess að lekið var ur ráðuneyti hennar upplýsingum um hælisleitandann Tony Omos. Gísli Freyr Valdórsson, aðstoðarmaður Hönnu Birnu tók á sig glæpinn og hlaut dóm.
Justikal er stafrænt réttarkerfi sem, eins og segir í fréttatilkynningu, gerir aðilum í dómsmálum kleift að meðhöndla gögn á öruggan og rekjanlegan hátt. Þarna þykir tilvalið að fá Hönnu Birnu til liðs. Hún hefur gríðarlega þekkingu á því hvernig best er að tryggja að gögn leki ekki frá stofnunum eða öðrum sem höndla með viðkvæm persónuleg gögn. Markmið Justikal er að gera málsmeðferðina fyrir dómstólum hraðari, þægilegri og skilvirkari. Hanna Birna er á heimavelli og tryggir vörn gegn leka …