Hannes Hólmsteinn Gissurarson prófessor er að fara á eftirlaun eftir litríkan feril sem fræðimaður. Í tilefni að starfslokunum verður haldin kveðjustund í Háskólanum þar sem Hannes verður væntanlega mærður í bak og fyrir. Á meðal þeirra sem koma fram er Bjarni Benediktsson, formaður Sjálfstæðisflokksins, sem ræðir upprisu samfélagsins eftur hrunið. Þá mun sjálfur Davíð Oddsson, átrúnaðrgoð Hannesar, stíga á stokk og ausa úr brunnum visku sinnar. Óljóst er hvort hann kemur inn á hrunið í sínum fyrirlestri en andstæðingar hana hafa sumir kallað hann „höfund hrunsins“.
Hannes er líklega umdeildasti fræðimaður Íslands. Margir hafa reynt að koma honum úr starfi en árangurslaust. Þeir sömu fagna nú þegar ellin læðist að Hannesi og hrekur hann úr starfi. Ekki er þó reiknað með að Hannes setjist í helgan stein. Hann er þekktur fyrir gríðarleg afköst og viðbúið að hann sitji við skriftir þar til yfir lýkur …