Stuðningsmenn Baldurs Þórhallssonar og Felix Bergssonar fögnuðu gríðarlega í vikunni þegar mælingar sýndu yfirburði þeirra til að verða húsráðendur á Bessastöðum. Baldur reyndist vera með rúmlega helmingi meira fylgi en Halla Tómasdóttir sem rétt eins og Ástþór Magnússon er ekki að bjóða sig fram í fyrsta sinn.
Umrædd könnun gæti þó orðið skammvinnur gleðigjafi því miklir óvissuþættir eru enn í baráttunni um Bessastaði. Þrír efnilegir kandídatar bíða á hliðarlínunni til alls líklegir. Katrín Jakobsdóttir forsætisráðherra hefur gjarnan svarað í véfréttastíl ef hún er spurð um framboð. Innan VG er enginn í sjónmáli til að taka við keflinu af henni og vandséð er þó hvernig hún getur hoppað frá borði af löskuðu fleyi ríkisstjórnarinnar án þess að stjórnarslit verði.
Jón Gnarr, fyrrverandi borgarstjóri, hefur sagt meiri líkur en minni séu á framboði. Hann er sigurstranglegur.
Loks er komið hik á Guðna Th. Jóhannesson, forseta Íslands, sem hefur opnað á Ólafsleiðina sem felur í sér að henda uppsagnarbréfinu og gefa kost á sér áfram sem forseti. Guðni nýtur fádæma vinsælda.
Háspenna er nú í baráttunni um Bessastaði og víst að hvert og eitt hinna þriggja líklegu gæti sigrað Baldur og Felix sem eru einna helst umdeildir fyrir það hve kjaftfor Felix hefur verið á samfélagsmiðlum og á köflum orðljótur …