Heimir Már Pétursson fréttamaður, einn lykilmanna fréttastofu Stöðvar 2, er flúinn í faðm Ingu Sæland og verður framkvæmdastjóri Flokks fólksins. Heimir, sem kominn er af léttasta skeiði, bætist þar með í stóran hóp starfsmanna Sýnar sem yfirgefa vinnustaðinn. Ólga hefur verið innan Sýnar og stöðugur fólksflótti. Þá er gengi félagins á hlutabréfamarkaði það lægsta sem verið hefur um langt árabil og náði sögulegum botni þegar gefin var út afkomuviðvörun í liðinni viku. Herdís Fjeldsted forstjóri er í úlfakreppu með félagið og óvist með framtíð hennar.
Áhugavert verður að sjá hvernig samstarf Ingu og Heimis verður. Bæði eru þau með stór egó og fyrirferðarmikil og frek til athygli. Því er spáð að ganga muni á ýmsu í samskiptum þeirra að hæfilegum umþóttunartíma liðnum …