Deilur hafa staðið um lóðamörk Þinghólsbrautar 75 í Kópavogi en þar býr Helga Jónsdóttir, oddviti Vina Kópavogs sem bjóða fram í kosningunum. Því er haldið fram að garður Helgu teygi sig langt út fyrir rétt lóðamörk. Helga þvertekur fyrir þetta og berst með oddi og egg fyrir því að halda svæði sínu og því sem kallað hefur verið landnám Helgu af gárungum og öðrum sem vilja réttlæti í lóðamálum.
Haldið hefur verið fram að garður Helgu teygi sig um 350 fermetra út fyrir lóðamörkin. Að auki sé garðurinn að hluta til ofan á bílskúrslóð sem sé í eigu annarra. Helga hefur staðið í deilu við skipulagsnefnd Kópavogs vegna garðsins síns. Rökstuðningur hennar er að Síldarútvegsnefnd hefði fyrir 40 árum, veitt henni þær heimildir sem hún telur sig eiga.
Sjálf segist hún eiga skjöl sem sanni að hún hafi gert samning við Síldarútvegsnefnd. „Það er væntanlega enginn með ímyndunarafl til að halda að ég væri búin að halda við garði og sjá um í 40 ár án þess að samkomulag lægi þar á baki,“ sagði Helga við Mannlíf. Það gæti að sögn stefnt í málaferli í Kópavogi …