Gríðarleg ólga er í þríklofnum borgarstjórnarflokki Sjálfstæðisflokksins sem fundaði í gærmorgun. Hörkudeilur voru á fundinum þar sem Hildur Björnsdóttir liggur undir hörðu ámæli vegna jákvæðrar afstöðu til Borgarlínunnar auk fleiri mála.
Kjartan Magnússon borgarfulltrúi sagði blákalt við Mannlíf í gær að ekki hafi verið um að ræða krísufund og Hildur sé ennþá með umboð sem leiðtogi. Hann gerði lítið úr átökunum sem í gær áttu sér stað. Upplýsingar Mannlífs herma aftur á móti að ásakanir hafi gengið á báða bóga og hávaði hafi verið á fundinum þegar rætt var um Borgarlínu og afstöðu Hildar sem gengur í takti við Bjarna Benediktsson formann. Hildur mun hafa svarað fyrir sig af hörku og gagnrýnt tvískinnung einstakra borgarfulltrúa. Fullkomin óeining er innan flokksins.
Friðjón Friðjónsson borgarfulltrúi hefur þá afstöðu að sitja hjá varðandi Borgarlínuna. Þannig fer hann ekki beint gegn Hildi eins og aðrir borgarfulltrúar að undanskildum Kjartani sem hermt er að beri kápuna á báðum öxlum og vilji umfram allt ná fram sáttum. Hann er talinn vera áhugasamur um stól Hildar …