Óhætt er að fullyrða að hlaðvarpinn Edda Falak er einn grimmasti refsivöndur meintra klámkarla. Menn eins og Logi Bergmann, Hreggviður Jónsson, Þórður Már Jóhannesson og Ari Edwald hafa fengið að finna fyrir henni. Edda hefur hiklaust og ákveðið dregið fram í dagsljósið sögur kvenna sem leitt hafa til sniðgöngu þeirra karla sem sagt er frá. En í vikunni kvað við nýjan tón þegar veitingamaðurinn Jóhann Gunnar Baldvinsson sakaði áhrifavaldinn um ofbeldi, fitusmánun, þjófnað og framhjáhald á Twitter. Til harðra orðaskipta kom í framhaldinu þeirra á milli, samkvæmt Hringbraut.
Edda sakaði veitingamanninn um að hafa verið með tvítugri frænku sinni þegar hann var rúmlega fertugur. Jóhann svaraði Eddu um hæl: „Og hún beitti mig ekki andlegu ofbeldi, fitusmánaði mig ekki, hélt ekki framhjá mér …,“ sagði Jóhann og lét fylgja hjarta með. Edda virtist undrandi og spurði á móti: „Ertu eitthvað ruglaður?“ Færslunni var eytt í framhaldinu og fæstir botna í uppnáminu og hvað er að baki ásökununum …