Ingólfur Þórarinsson, Ingó Veðurguð, fékk vind í seglin eftir að Landsréttur dæmdi honum bætur vegna rætinna ummæla Sindra Þórs Sigríðarsonar sem sakaði hann um barnaníð. Nú hefur Ingó krafið ónefnda konu um bætur fyrir svipaðar sakir. Konan hefur staðfest við Heimildina að hún hafi fengið kröfu upp á 400 þúsund krónur fyrir óhróður gegn tónlistarmanninum. Konan, sem er í krabbameinsmeðferð, treysti sér ekki til að koma fram undir nafni sem segist ekki hafa haft annan tilgang með skrifum sínum en þann að standa með þolendum. Hún sakaði Ingó um að nauðga ungum konum. Fjöldi annarra geta átt von á kröfum frá Ingó á sömu forsendum.
Auðmaðurinn Haraldur Þorleifsson lýsti því yfir á sínum tíma að hann myndi greiða málskostnað fyrir alla þá sem sættu lögsókn frá Ingó. Viðbúið er að hann hafi þegar greitt þær milljónir sem féllu á Sindra Þór. Óljóst er hvort hann muni greiða fyrir þá sem semja um málalok.
Víst er að þessum málum er ekki lokið þar sem Ingó er í miklum ham og ætlar ekki að sitja undir því að vera kallaður barnaníðingur …