Jón Gnarr biður pabba fyrirgefningar

Innrás Vladimirs Pútíns í Úkraínu hefur vakið marga upp af værum blundi skeytingaleysis um alþjóðamál. Hörðustu andstæðingar Atlanshafsbandalagsins eru hugsi þessa dagana og sumir hafa snúið við blaðinu. Jón Gnarr, fyrrverandi borgarstjóri og skemmtikraftur, er einn þeirra sem iðrast þess nú að hafa agnúast út í NATO. „Pabbi var gríðarlega hrifinn af Sovétríkjunum og óþreytandi að ræða um öll þau undur og stórmerki sem þar gerðust. Tímaritið Fréttir frá Sovétríkjunum kom reglulega inná heimilið og var það lesið í ræmur af pabba og mér líka. Ég leit mjög upp til pabba og fannst hann bæði flottur og gáfaður,“ skrifar hann á Facebook. Jón lýsir því svo hvernig hann gekk af trúnni og törnaðist eftir að hafa horft upp á aðfarir Pútíns. Nú er NATÓ ofarlega á vinsældalista borgarstjórans fyrrverandi og hann biður þess allrar blessunar. „Lengi lifi vestræn samvinna. Guð blessi NATÓ. Fyrirgefðu elsku pabbi minn“ ….