Jón Þór til friðs

Ljóst er að Píratar vera í nokkrum vanda í komandi kosningum þegar þeir sjá á bak sínum reynslumestu þingmönnum. Helgi Hrafn Gunnarsson, nokkurskonar leiðtogi hreyfingarinnar, er á förum, saddur pólitískra lífdaga. Lengi hefur legið í loftinu að Jón Þór Ólafsson, þaulreyndur þingmaður, væri á förum eins og Mannlíf greindi frá síðast liðið haust. Hann staðfesti það loksins á dögunum og vísar til þess að hann þrái að komast í friðinn í malbikinu en hann hefur mörg undanfarin sumur starfað við að malbika götur á höfuðborgarsvæðinu. Jón Þór er baráttumaður en verður þá til friðs þegar kjörtímabilinu lýkur. Þá hefur Smári McCarthy,  alþingismaður og helsti efnhagssérfræðingur Pírata, sagt að hann gefi ekki kost á sér áfram. Þetta er mikil blóðtaka fyrir flokkinn sem hefur haft nokkurn byr í seglum. En svo er allt eins líklegt að nýtt blóð í framlínu flokksins muni laða að fylgi og Píratar dafna í stað þess að lognast út af sem smáflokkur …