Það vefst fyrir æðstu ráðamönnum þjóðarinnar að gefa eftir yfirvofandi launahækkanir sem koma að mestu til vegna þeirra eigin mistaka við hagstjórnina. Eftir rúman mánuð hækka launin í fitulagi samfélagsins um 6 til 6,3 prósent. Þar með fær Katrín Jakobsdóttir forsætisráðherra 156 þúsund krónum meira í laun og fer þannig vel yfir 2,5 milljónir króna í mánaðarlaun. Það eru næstum sjöföld lágmarkslaun. Aðrir ráðherrar fá 141 þúsund krónum meira í laun. Þá hækka laun óbreyttra þingmanna um 85 þúsund krónur samkvæmt útreikningum Vilhjálms Birgissonar, formanns Starfsgreinasambandsins, sem gefur Bjarna Benediktssyni fjármálaráðherra pillu vegna orða hans um almennar hækkanir launþega. „Eins og allir vita hafa Seðlabankinn og stjórnvöld og þá sérstaklega fjármálaráðherra gagnrýnt harðlega þá kjarasamninga sem samið var um í desember,“ skrifar Vilhjálmur.
Þessar hækkanir hinna æðstu fela þó ekki í sér aukin kaupmátt heldur eru til þess að taka af skellinn vegna verðbólgunnar af ráðamönnum sem sjálfir hafa leitt þjóðarbúið út í þær ógöngur að fólk sem skuldar í húsnæði sínu þarf að bera þungar byrðar vaxtaokurs. Þá finnur allur almenningur fyrir hækkun á nauðsynjavörum. Katrín var spurð út í það hvort mögulegt væri að ráðamenn gæfu eftir hluta hækkunar sinnar í nafni þjóðarsáttar en hún taldi öll tormerki vera á því. Það fjarar hratt undan ríkisstjórninni …