Katrín grjóthörð

Á morgun verður birt skýrsla um brall stjórnenda Íslandsbanka sem leiddu til einnar hæstu sektar Íslandssögunnar. Birna Einarsdóttir bankastjóri og bankaráð Íslandsbanka gerði sátt um sekt upp á 1200 milljónir króna eftir að rannsókn leiddi í ljósi misferli við sölu á bréfum í bankanum til valinna gæðinga, þeirra á meðal Benedikts Sveinssonar föður Bjarna Benediktssonar fjármálaráðherra. Katrín Jakobsdóttir forsætisráðherra var harðorð í viðtali við Ríkisútvarpið í gær þar sem hún var grjóthörð á því að stjórnendur bankans ættu að axla ábyrgð. Væntanlega er allt undir hvað ábyrgðina varðar. Birna verður ekki ein látin fjúka. Spurt verður um ábyrgð bankaráðsins og Bjarna fjármálaráðherra þegar efni skýrslunnar lítur dagsins ljós. Miðað við orð forsætisráðherra er ólíklegt að það dugi Birnu og yfirboðurum hennar að segjast ætla að sitja áfram og læra af mistökunum. Íslandsbankamálið gæti orðið þriðji naglinn í líkkistu ríkisstjórnarinnar á eftir úlendingum og hvölum …