Katrín Jakobsdóttir forsætisráðherra er í miklum vanda ef marka má nýja skoðanakönnun Prósents. Fylgi Vinstri grænna mælist aðeins 5,9 prósent og flokkurinn í bráðri fallhættu. Meira en helmingur atkvæða VG er fokinn út í veður og vind frá seinustu kosningum þegar VG uppskar 12,6 prósent fylgi sem þótti ósigur frá kosningunum á undan þegar flokkurinn var með 16,9 prósenta fylgi. Sjálfstæðisflokkurinn og Samfylking tróna á toppnum með 22 til 23 prósent. Augljóst er að þessi staða veikir Katrínu í embætti formanns og gæti kostað líf núverandi ríkisstjórnar.
Katrín hefur notið fádæma vinsælda sem leiðtogi en samstarfið við Sjálfstæðisflokk Bjarna Benediktssonar hefur verið sem myllusteinn um háls hennar. Það er tilfinning margra að VG hafi látið undan sjálfstæðismönnum í flestum málum og hugsjónir flokksins um jöfnuð og umhverfisvernd séu einungis til heimabrúks …