Björn Bjarnason, fyrrverandi ritstjórnarfulltrúi Morgunblaðsins, er ekki ánægður með bók Sigmundar Ernis Rúnarsson, fyrrverandi ritstjóra Fréttablaðsins, sem kom út fyrir jólin. Morgunblaðið birti á Þorláksmessu grein Björns um bók Sigmundar sem fundið er margt til foráttu. DV gerið þessi skrif Björns að umfjöllunarefni og kallar greinina níðskrif. Segir í greininni að Moggamönnum „svíði undan nokkrum staðreyndum sem Sigmundur getur um í bók sinni. En þar sem um staðreyndir er að ræða er svo sem fátt um varnir annað en þá lágkúrulegu vörn þess sem reynir að svara fyrir sig með ómarktæku skítkasti“. Þarna sé Björn á heimavelli.
Sigmundur lýsir því í bók sinni að í desember 2008 átti Mogginn ekki fyrir launum. Íslandsbanki, lánaði þá til rekstrarins. Sami ríkisbanki afskrifaði svo skuldir Árvakurs, sem gefur Morgunblaðið út, nokkru síðar. DV segir að afskriftirnar nemi á núverandi verðlagi 9,5 milljörðum króna og það gleðji Moggamenn ekki „að staðreyndir af þessu tagi séu nú til á bók“. Morgunblaðið hafi þannig verið ríkisrekið, sé það jafnvel í dag. Til að toppa alla vitleysuna hafi Davíð Oddsson verið ráðinn sem ritstjóri með tilheyrandi flótta áskrifenda.
DV kallar Björn mykjudreifara og bendir á að hann valdi Þorláksmessu fyrir hina köldu jólakveðju sem væri í þeim anda að Skröggur Charles Dickens gæti tekið undir með Birni …