Konur herja á Jón Ársæl

Jón Ársæll Þórðarson, sjónvarpsmaðurinn geðþekki, hefur haft i nógu að snúast fyrir dómstólum vegna viðmælenda í þeim geysivinsælu þáttum, Paradísarheimt. Tvær konur hafa herjað á hann og krafist bóta vegna viðtala sem hann tók við þær. Gyða Dröfn Grétarsdóttir stefndi Jóni Ársæli og Rík­is­út­varp­inu fyrir að birta við sig viðtal í leyfisleysi. Hún vann málið og fékk eina millj­ón króna í bætur. Önnur kona stefndi síðan sjónvarpsmanninum af svipuðum ástæðum og krafðist bóta. Undirréttur sýknaði sjónvarpsmanninn en Landsréttur tók annan pól í hæðina og dæmdi Jón Ársæl til að greiða konunni 800 þúsund krónur þar sem um hefði verið að ræða viðkvæmar persónuupplýsingar og óljóst hvort um upplýst samþykki fyrir birtingunni væri að ræða. Nú hefur sjónvarpsmaðurinn fengið áfrýjunarleyfi og mál konunnar fer fyrir Hæstarétt. Þar verður tekist á um það hvort konan hafi gefið skýrt samþykki fyrir birtingunni. Málið þykir gríðarlega áhugavert vegna þess fordæmis sem skapast …