Kosningakvíði Páls Magnússonar

Ekki hefur kveðið mikið að Páli Magnússyni, alþingismanni Sjálfstæðisflokksins, það sem af er kjörtímabilinu. Páll er rólyndismaður allajafna en glímir þó við reiði endrum og eins, svo sem kom fram í viðtali við hann fyrir margt löngu. Mesta athygli hefur Páll vakið með því að fara í fýlu þegar hann fékk ekki ráðherrastól í ríkisstjórn Sjálfstæðisflokksins. Þá hefur hann leikið stórt og umdeilt hlutverk í klofningi Sjálfstæðisflokksins í Vestmannaeyjum. En nú hefur Páll tekið til hendinni og leggur til „… lítið skref í átt að því að stuðla að meiri sátt í sam­fé­lag­inu um fisk­veiðistjórn­un­ar­kerfið,“ eins og hann orðar það við Morgunblaðið.  Með frum­varp­inu skal kveða á um að þegar ein­stak­ur aðili kaup­ir hlut í öðru útgerðarfyr­ir­tæki, sem á fiski­skip með afla­hlut­deild, hvort sem keypt­ur er minni-  eða meirihluti, reiknist það hlut­fall afla­heim­ilda við það sem fyr­ir var í eigu kaup­anda. Fremur ótrúlegt er að félagar hans samþykki frumvarpið og líklegt að kosningakvíði ráði framtakssemi þingmannsins. Svo vísað sé til frægs nafna Páls þá má getra ráð fyrir að Palli sé einn í flokknum …