- Auglýsing -
Kjarnakonan Ólína Þorvarðardóttir og eiginmaður hennar, Sigurður Pétursson, lentu í miklum ógöngum á föstudaginn þegar þau héldu akandi á gamlar heimaslóðir á Ísafirði til að sjá leikritið Fiðlaranna á þakinu þar sem tengdadóttir og barnabörn þeirra koma við sögu. Hjónin lentu í miklum hríðarbil eftir að þau komu niður af Steingrímsfjarðarheiði og á einu augnablaki missti ökumaður sjónar af veginum og bílinn þeyttist út af.
Ólína segir frá atvikinu á Facebook. „Er þó heil á húfi og við hjónin bæði ásamt Vaski – eftir að hafa misst bílinn útaf i þeim glórulausasta öskuhríðarbyl sem ég hef á ævi minni lent í …,“ skrifar hún og lýsir því kraftaverki að hún Sigurður, og Vaskur, hundur þeirra sluppu öll heil á húfi en bílinn sat eftir utan vegar og ekki viðlit að koma honum upp á veginn. Hjón og hundur fengu síðan far til Ísafjarðar með öðrum og Jóhanna Rannveig Krtistjánsdóttir, bóndi í Svansvík við Ísafjarðardjúp, tók að sér að koma bílnum aftur upp á veg. Ólína starfar annars sem deildarforseti við Háskólann á Bifröst og stendur í ströngu við að sameina skólann Háskólanum á Akureyri …