Kristján Þór Júlíusson, fyrrverandi ráðherra og stjórnarformaður Samherja, er í miklum metum innan Sjálfstæðisflokksins, einn af gæðingunum. Hann hætti þingmennsku eftir seinasta kjörtímabil og tók þá biðlaun sem fráfarandi þingmaður. Í framhaldinu bíða hans himinhá eftirlaun sem ráðherra og þingmaður. Kristján verður 65 ára í sumar og öðlast þá fullan rétt og eftirlaun sem verða á aðra milljón króna á mánuði.
Hann hefur verið harkalega gagnrýndur fyrir að hafa verið Samherja innan handar sem sjávarútvegsráðherra. Sjákfstæðisflokkurinn vildi svo gera vel við sinn mann og rétti honum dúsu við upphaf gullnu áranna. Hann var skipaður stjórnarformaður ríkisfyrirtækisins Isavía. Óljóst er með þekkingu hans á rekstri flugvalla og öðrum flugmálum sem því amstri fylgir en grunnlaun stjórnarformannsins, fyrir utan nefndarsetu, nema 450 þúsund krónum á mánuði. Því fylgir auðvitað sú kvöð að mæta mánaðarlega á fundi.
Stórmerkileg skipan Kristjáns Þórs hvarf í skuggann af fréttum af drykkjurausi Sigurðar Inga Jóhannssonar, formanns Framsóknarflokksins, og eftirgjöf ríkisins á hlut í Íslandsbanka til Benedikts Sveinssonar, föður Bjarna Benediktssonar fjármálaráðherra …