- Auglýsing -
Marga rak í rogastans í morgun þegar tilkynnt var að Fréttablaðið væri hætt að koma út og sjónvarpsstöðin Hringbraut þögnuð. Gunnar Ársæll Hólmarsson er einn þeirra sem harmaði brotthvarfið og að Íslendingar sitji upp með Moggann, málgagn kvótakarla og kerlinga sem haldið er úti af Guðbjörgu Matthíasdóttur í Vestmannaeyjum. Gunnar Ársæll lýsti harmi sínum á Facebook og hve mikið hann saknaði teikninga Halldórs Baldurssonar. . „Maður skellti oft upp úr niður í kaffibollann á meðan blaðið kom í hús. Sorgleg þóun, það er bara allt annað og skemmtilegra að lesa blað á pappír en í tölvu. Og eftir situr kvótasnepillinn með reiða ritstjóranum,“ skrifaði hann. Víst er að margir deila þessari skoðun. Enginn veit hvað átt hefur fyrr en misst hefur …