Ríkisútvarpið er um þessr mundir í litlum metum hjá áskrifendum sínum. Dagskráin er öll úr lagi gengin vegna Ólympíuleikanna í París sem tröllríða dagskránni með þeim afgerandi hætti að fréttir ríkismiðilsins hafa verið hraktar af hefðbundum stað og eru sendar úr tveimur tímum síðar. Þá vekur athygl það metnaðarleysi sem er í annari dagskrá. Á undanförnum laugardagskvöldum hafa Stefán Eiríksson útvarpsstjóri og meðreiðarfólk hans endursýnt á besta tíma gamla heimildarþætti um skemmtikraftinn Ladda sem að vísu á allt gott skilið. Rás 1. er með sama sniði og endursýningar flæða um dagskránna þrátt fyrir að almenningur sé skikkaður til að leggja milljarða króna til stofnunarinnar.
Loks telja margiir að fréttastofan sé á undarlegum brautum. Í því samhengi er nefnt að innsetning Höllu Tómasdóttur sem forseta lýðveldisins, var ekki fyrsta frétt í síðbúnum kvöldfréttum Ríkisútvarpsins og þannig lítillækkuð. Frétt um að samhæfingu í viðbrögðum við jökulhlaupum væri ábótavant þótti merkilegri og var fyrsta frétt. Meðal þeirra sem gagnrýndu þetta í umræðum á Facebook var Sif Gunnarsdóttir forsetaritari sem segir í athugasemd að málið sé ótrúlegt.
Ljóst má vera að þeim fjölgar stöðugt sem telja Ríkisútvarpið, með allri sinni lágkúru, vera fullkomlega óþarft og jafnvel til ama …