Stefán Stefánsson, fréttastjóri viðskipta hjá Mogganum, er óvænt hættur störfum. Frá þessu er sagt í Mogganum í dag. Hermt er að hann ætli að einbeita sér að viðtalsþætti í sjónvarpshluta blaðsins og sinna öðrum verkefnum utan Mogga. Stefán hefur verið áberandi á Mogganum ásamt þeim umdeilda Andrési Magnússyni sem stýrir minningargreinum blaðsins.
Í stað Stefáns kemur Gísli Freyr Valdórsson sem var á sínum tíma aðstoðarmaður Hönnu Birnu Kristjánsdóttur dómsmálaráðherra sem hrökklaðist úr embætti vegna Lekamálsins svokallaða. Gísli fékk dóm árið 2014 fyrir aðild sína að málinu en hann lak minnisblaði til Moggans um hælisleitandann Tony Omos til fjölmiðla og dylgjaði að auki um að hælisleitandinn væri sekur um mansal. Gísli Freyr þótti sýna drengskap gagnvart ráðherra sínum þegar hann játaði eftir nokkurt þóf og tók alla sök einn. Hann var dæmdur í átta mánaða skilorðsbundið fangelsi …