Ýmsir sjálfskipaðir sérfræðingar keppast um þessar mundir að finna sökudólg þegar kemur að meintum slæmum árangri íslenskra barna í PISA-könnunum undanfarna ára án þess þó að hafa til þess mikla sérfræðiþekkingu.
Það vakti þó athygli margra að Lilja Alfreðsdóttir, menntamálaráðherra Íslands frá 2017 til 2021, tók undir áhyggjur fólks af menntakerfinu en sagðist á sama tíma í samtali við Morgunblaðið vera algjörlega saklaus í þessum efnum og kenndi undirmönnum sínum í skólakerfinu alfarið um.
Lilja hefur um nokkurt skeið verið talin augljós næsti leiðtogi Framsóknarflokksins við yfirvofandi brotthvarf Sigurðar Inga Jóhannssonar sem ber augljós þreytumerki. Velta má vöngum yfir því hvers konar leiðtogi hún verður ef hún nálgast fleiri alvarleg mál með þessum hætti …