Mál Vitalíu Lazereva á hendur meintum klámkörlum í sumarbústað í Skorradal og á hóteli í Borgarfirði hefur tekið á sig furðulegar og flóknar myndir. Ekki er deilt um það að í sumarbústað Þórðar Más Jóhannssonar í Skorradal var hún í heitum potti með fjórum nöktum körlum. Hún segist hafa verið áreitt gróflega þar og hefur lýst því að höfuðpaurinn og sá sem grófast gekk fram hafi verið Þórður Már. Arnar Grant, þáverandi ástmaður hennar, hefur tekið undir þá sögu. Karlarnir hafa nú kært skötuhjúin fyrir tilraun til fjárkúgunar.
Vítalía staðhæfði upphaflega að Logi Bergmann fjölmiðlamaður hefði misboðið sér eftir hvatningu Arnars Grant á hótelherbergi í Borgarfirði. Logi lýsti yfir sakleysi sínu og sagðist aðeins hafa gengið inn á parið eftir að hafa fengið lykil í móttökunni. Arnar Grant þagði mánuðum saman um atvikið en steig síðan fram í Ríkisútvarpinu og sagði þar efnislega að Vítalía hefði logið til um framferði Loga, sem er stórmál ef rétt reynist. Sjálf hefur Vítalía í framhaldinu gert minna úr málinu með Loga og reynt að halda honum utan umræðunnar, Málið verður stöðugt furðulegra eftir því sem tíminn líður og þversögnum fjölgar …