Meint ofurlaun Björns Inga

Það vekur mikla athygli að í tekjublöðum vegna ársins í fyrra er Björn Ingi Hrafnsson, ritstjóri Viljans, með launatekjur sem nema 4,5 milljónum króna á mánuði eða 54 milljónir króna á ári. Úr hópi fjölmiðlamanna er aðeins eftirlaunaþeginn og ritstjórinn Davíð Oddsson ofar á listanum með 5,7 milljónir á mánuði. Talið er að helftin komi úr vösum skattborgara en hinn helmingurinn frá þeim sem halda Mogganum gangandi. Laun Björns Inga eru með nokkrum ólíkindum þar sem hann er gjaldþrota og hvorki á framfæri ríkisins né Guðbjargar Matthíasdóttur athafnakonu í Vestmannaeyjum. Hann hefur þó ekki andmælt ofurlaununum opinberlega. Þögnin er þá væntanlega samþykki fyrir þessari opinberun. Flestir eru þó á þeirri skoðun að Björn Ingi hafi meðvitað eða ómeðvitað trassað að senda inn skattframtal sitt og þessi himinháu laun hafi verið áætluð á hann af yfirvöldum. Í framhaldinu geti hann sent inn leiðréttingarskýrslu. Þessi aðferð er reyndar gamalt trikk athafnamanna sem vilja fá jákvæða og ókeypis athygli fyrir að vera skattakóngar án raunverulegrar innistæðu …