Knattspyrnuþjálfarinn, hlaðvarpsstjórnandinn og „sparkspekingurinn“ Mikael Nikulásson missti stjórn á skapi sínu um helgina þegar lið hans tapaði fótboltaleik, eins og Mannlíf greindi frá. Í leiknum grætti hann tíu ára boltastelpu, sem þykir ekki vera boðleg framkoma, eins og fram kom á samfélagsmiðlum. Þar var því jafnframt haldið fram að hann skammaðist sín fyrir atvikið, sem er málum blandið.
Mikael útskýrði mál sitt í hlaðvarpinu Þungavigtinni í gær þar sem hann gerði lítið úr atvikinu og umfjöllun fjölmiðla um það. Virtist hann helst vilja þagga málið niður. Það þykir í meira lagi kaldhæðnislegt í ljósi þess hann hefur í gegnum tíðina gagnrýnt annað knattspyrnufólk fyrir litlar sakir, og talsvert minni en þær að græta börn. Forvitnilegt verður að sjá hvort KSÍ grípi þess að setja „spekinginn“ í bann fyrir að særa barnið …