Söngdívan Birgitta Haukdal hefur heldur betur náð að festa rætur sem barnabókahöfundur en henni hefur tekist á undanförnum tíu árum að verða einn af vinsælustu höfundum landsins með sögum sínum um Láru og ljónið Ljónsa en bækurnar eru tæplega 20 talsins. Þær hafa vissulega sína gagnrýnendur en Birgitta hefur ekki látið það stoppa sig hingað til.
Það virðist nefnilega litlu máli skipta hvort Lára og Ljónsi læra lesa, fari í sveit eða í leikhús. Allt selst þetta í bílförmum.
Birgitta ákvað hins vegar að breyta til með nýjustu bókinni en það er bakstursbók Láru og Ljónsa þar sem vinirnir kenna yngstu börnunum að baka. Með henni er Sylvía Haukdal, systir Birgittu og bakari, og má velta því fyrir sér hvort matreiðslubók fyrir fullorðna sé á dagskrá hjá þeim systrum …