Risavaxinn vandi Árborgar hefur verið til umræðu undanfarið en sveitarfélagið er á barmi gjaldþrots. Í ljósi stöðu sveitarfélagsins vekur athygli að Bragi Bjarnason, oddviti Sjálfstæðisflokksins í bæjarstjórn, er með hvorki meira né minna en 1,5 milljón króna á mánuði eða 18 milljónir á ári í umbun fyrir störf sín við stjórn sveitarfélagsins.
Bragi hefur tekið til sín mikla hækkun á kjörtímabilinu. Tómas Ellert Tómasson, fyrrverandi bæjarfulltrúi upplýsti á vef Sunnlenska að hækkunin næmi allt að 210 prósentum. Þessi kjör eru ekki síst áhugaverð í því ljósi að sveitarfélagið er nánast ósjálfbjarga og við blasir að fækka starfsfólki og skera niður til þess að bjarga málum frá því að fara í óefni. „Þetta er bara sjálftaka,“ segir Tómas Ellert vef Sunnlenska.is. Á neyðarfundi með íbúum var ófremdarástandið staðfest og upplýst að við blasti niðurskurður ..