Óli Njáll Ingólfsson, sögukennari við Verzlunarskóla Íslands, er sá sem Sigmundi Davíð Gunnlaugssyni þótti beita „óþverrabragði“ gegn sér með því að spyrða hann saman við einhver helstu illmenni sögunnar. Óli Njáll kennir sögu og tölvugreinar við hinn virta og vinsæla skóla. Kennarinn var í framboði fyrir Vinstri græna í Reykjavík fyrir síðustu sveitastjórnarkosningar en það var einmitt um það leyti sem glæran af Benito Mússólíní, Adolf Hitler og Sigmundi Davíð birtist sjónum nemenda í kennslustund í Verzló.
Kennarinn virðist á flótta undan fjölmiðlum en Mannlíf hefur ítrekað reynt að ná tali af Óla Njáli án árangurs. Virðist hann þannig áhugalaus um að svara fyrir glæruna umdeildu og treysta á að svar skólastýrunnar, Guðrúnar Ingu Sívertsen verði látin duga en hún viðurkenndi í samtali við Fréttablaðið að glæran hafi verið klaufaleg en harðneitaði að í skólanum „fari fram pólitískur áróður og innræting“ ….