Lögmaðurinn umdeildi, Ómar Valdimarsson, hefur tekið að sér að herja á netverja sem hafa efasemdir við heiðarleika auðmannsins Róberts Wesmann sem er í málastappi við Mannlíf vegna gagna sem hann telur að ritstjórn Mannlífs búi yfir. Sama lögfræðistofa og vann fyrir níðinginn Harvey Weinstein skrifaði Mannlífi kröfubréf fyrir hönd Róberts. En auðmaðurinn er víðar á höttunum eftir málsóknum því hann hefur krafið Guðmund Sigurðsson, sem gjarnan er kallaður Smali, um afsökunarbeiðni vegna ummæla á Facebook þar sem hann lýsir Róberti sem ofbeldismanni vegna líflátshótana og meintra líkamsárása athafnamannsins á samstarfsfólk. Skrifin eru í tengslum við innbrotið á ritstjórn Mannlífs. „Það liggur fyrir að Róbert þessi er ofstopamaður sem sést ekki fyrir i ofbeldishegðun,“ skrifar Guðmundur og fékk umsvifalaust hótun um málsókn frá Ómari lögfræðingi.
Ómar segir í bréfinu að um sé að ræða meint „innbrot sem sagt er að hafi verið framið á skrifstofum bloggmiðils Reynis Traustasonar“. Þau ummæli lýsa persónu Ómars og vinnubrögðum ágætlega. Guðmundur svaraði honum um hæl og benti á að haft var rangt eftir í bréfinu um tilvitnuð ummæli og afþakkar gott boð um að biðjast afsökunar eða taka niður færsluna. Þá sendir hann Róberti pillu vegna þess að hann „sendir húskarla sína á mig vegna skorts þeirra á lesskilningi“…