Forsetaframbjóðendur og viðhengi þeirra eru nú með strokleðrið á þeim hluta fortíðar sinnar sem telja má vera þeim til vansa. Felix Bergsson, maki Baldurs Þórhallssonar, hefur í gegnum tíðina verið þekktur fyrir að láta tilfinningar taka yfir hugsun þegar hann fjallar um átakamál á samfélagsmiðlum. Eftir að parið tilkynnt um forsetahjónaframboð sitt kom á daginn að vafasöm og hörkuleg ummæli sem hann hafði látið falla á Facebook voru horfin. Sá sómakæri Björn Ingi Hrafnsson, ritstjóri Viljans, vakti athygli á þessu á síðu sinni og upplýsti að Felix væri horfinn af samfélagsmiðlinum X með skottið á milli lappanna.
Felix hefir verið duglegur að nota orðið „pakk“ sem hann vill að fokki sér um fólk sem honum hugnast ekki. Þá hefur dúkkað upp skilgreing um „viðbjóðslega karlhlunka“ þegar Felix hefur fjallað um kynbræður sína og sumpart jafnaldra sem ekki eru á hans línu.
Margir eru á því að Felix eigi, eins og aðrir, að fá að þenja tjáningafrelsið til hins ýtrasta og engin ástæða sé til að stroka út fortíðina. Felix eigi hiklaust að leggja þessi ummæli sem og aðrar gjörðir sínar í dóm þjóðarinnar í stað þess að fela slóðina …