Páley sögð skæruliði Samherja

Páley Borgþórsdóttir, lögreglustjóri á Akureyri, hefur vakið furðu margra og gleði annarra með þvík útspili sínu að setja fjóra blaðamenn í stöðu sakborninga í símamáli Páls Steingrímssonar, skipstjóra og skæruliða Samherja. Kristinn Hrafnsson, talsmaður Wikileaks., var ómyrkur í máli vi’ð Stöð 2 þar sem hann beinlínis sakaði lögreglustjórann um þá spillingu að ganga erinda Samherja. „Ég get ekki sagt annað en það að lög­reglu­stýran nyrðra er gengin í björg með sam­herja­mönnum. Hún er beisikk­lí gengin í lið með skæru­liða­deild Sam­herja í þessu máli,“ sagði Kristinn. Páley hefur reyndar sterk tengsl við stórfyrirtæki í sjávarútvegi þvi hún var stjórnarmaður í Vinnslustöðinni í Vestmannaeyjum og þótti fara frjálslega með vald sitt þar. Harðar yfirlýsingar Bjarna Benediktssonar, formanns Sjálfstæðisflokksins, gegn hinum grunuðu þykja vísbending um að hann hafi fengið einhverjar þær upplýsingar úr málinu sem gefa honum færi á að vega að fjölmiðlafólkinu og gera málið þar með allt hápólitískt. Bjarni hefur á sér spillingarorð vegna umfjöllunar fjölmiðla um viðskipti hans og á þannig harma að hefna. Þögn forsætisráðherra, Katrínar Jakobsdóttur, um símamál skæruliðans Páls og framgöngu Bjarna þykir einnig vera sláandi …