Páll hraunar yfir Sjálfstæðisflokkinn

Páll Magnússon, oddviti Sjálfstæðisflokksins, sem hrakinn var úr framboði í Suðurkjördæmi er í senn arfafúll og fjúkandi reiður vegna þeirra örlaga sinna og þess að vera lentur utangarðs. Hann skrifar grein í Moggann í dag þar sem hann hraunar yfir flokkinn og lýsir honum sem hálfgerðri rúst. „Að öllu samanlögðu er niðurstaða mín sú að, ásamt klofningi, sé meginvandi Sjálfstæðisflokksins víðtækur trúverðugleikabrestur. Og vandinn er djúpstæðari en svo að það verði tekist á við hann með því að yppta öxlum, tala um breytta tíma og búa til nokkur 30 sekúndna myndbönd fyrir kosningar“.
Hann segir að allt of lítill og allt of einsleitur hópur ráði í raun ferðinni í Sjálfstæðisflokknum frá degi til dags. Þannig hafi flokkurinn ekki lengur eins þá breiðu skírskotun sem áður var og margir sem áður studdu flokkinn finni ekki lengur samhljóm. Það verður ekki séð að Sjálfstæðisflokkurinn eigi sér mikla lífsvon ef lýsing þingmannsins á stjórntökum Bjarna Benediktssonar formanns er rétt. Páll telur reyndar að hluta af vanda flokksins megi rekja til þess að Bjarni liggi stöðugt undir grun um hagsmunaárekstra …